Griaß Euch!

Liabe Vereinsmitglieder,
es war für mi koa leichter Schritt, vor 3 Jahr euch abzusagn und damois ned für den 1. Vorstand zu kandidieren. Da Westner Georg hod des Amt dann (gottseidank) übernomma. Er hod mir damit de Zeit gebn, in des Amt reizuwachsen.
3 Jahr, de sicher ned immer leicht waren. Aber es hod se zoagt, mia hoidn zam und packn o, wenns de Umständ zua lassn. Deswegen is es mir jetzt leicht gfoin, des Amt ois 1. Vorsitzende zum übernemma.
Danke an olle Ausschußmitglieder, de sich ebenfois zur Wahl gstellt habn – schee, daß ma olle Positionen besetztn habn kinna. I gfrei mi auf a guads Mitanand!
Des kommende Jahr is geprägt von vui Terminen – es werd wieder vui Veranstaltungen gebn, de de letzten 2 Jahr ausgfoin san oder nur im ganz kloana Kreis möglich warn. Ob Raiten, Sommerfest an Fronleichnam oder Gaufest – endlich kimma unsa Tracht wieder oziang und midanand a schene Zeit erlebn.
 
Euer 1. Vorständin
 
Maria Höhne